သွေးတိုး​ရောဂါအ​ကြောင်းသိ​ကောင်းစရာ

သွေးတိုးရောဂါ သိကောင်းစရာ
•••••••••••••••••••••••••
သွေးတိုးရောဂါ ဆိုသည်မှာ ခန္ဓာကိုယ် အတွင်းရှိ သွေးလွှတ်ကြောများ အတွင်း သွေးဖိအားမှာ ရှိသင့်သည့် ပမာဏထက် အမြဲတမ်း လိုလိုပိုမိုနေသည့် နာတာရှည် ရောဂါတစ်မျိုးပင် ဖြစ်သည်။ သွေးတိုးရောဂါ ရှိနေသူ တစ်ဦးသည် အများအားဖြင့် မည်သည့်ဝေဒနာမျှ ခံစားရခြင်း မရှိတတ်ကြပါ။ သို့သော် သွေးတိုးရောဂါ ရေရှည်ခံစား နေရသူ တစ်ဦးအဖို့ နှလုံးနှင့် သွေးကြောဆိုင်ရာ ကျန်းမာရေး ပြဿနာ များ ဖြစ်ကြသည့် နှလုံးသွေးကြော ကျဉ်းခြင်း ၊ နှလုံးကြွက်သား သွေး မလျှောက်သောကြောင့် နှလုံး ပျက်စီးခြင်း ၊ နှလုံးပုံမှန် အလုပ်မလုပ်ခြင်း၊ နှလုံးခုန်နှုန်း မမှန်ခြင်း၊ လေဖြတ်ခြင်း၊ မျက်စိအမြင် အာရုံကို ထိခိုက်ခြင်း၊ ကျောက်ကပ် ပျက်စီးခြင်းနှင့် ခြေလက်ခန္ဓာကိုယ် အတွင်းရှိ သွေးကြောများ အလွယ်တကူ ပျက်စီးခြင်း စသည်တို့နှင့် ကြုံတွေ့လာရ နိုင်ပါသည်။ အခန့်မသင့်ပါက အသက်ပင် ဆုံးရှုံး စေနိုင်ပါသည်။ ထို့ကြောင့်လည်း သွေးတိုးရောဂါကို အသံတိတ် လူသတ်သမားဟု တင်စား ခေါ်ဝေါ်လေ့ ရှိကြသည်။

သွေးဖိအား အဓိပ္ပာယ်သွေးဖိအား ဆိုသည်မှာ သွေးလွှတ်ကြောများ အတွင်းရှိ ဖိအား ကို ဆိုလိုခြင်းဖြစ်ပြီး အပေါ်သွေး ဖိအားနှင့် အောက်သွေး ဖိအားဟူ၍ နှစ်မျိုးရှိသည်။ အပေါ်သွေး ဖိအားမှာ နှလုံးညှစ်လိုက်သည့် အချိန်တွင် သွေးလွှတ်ကြော အတွင်းရှိနေသော ဖိအားဖြစ်ပြီး အောက်သွေးဖိအား ဆိုသည်မှာ နှလုံး နားနေသည့် အချိန်တွင် သွေးလွှတ်ကြော အတွင်း ရှိနေသော ဖိအားပင်ဖြစ်သည်။

ခန္ဓာကိုယ် အတွင်းရှိ သွေးလွှတ်ကြောများ အတွင်း သွေးဖိအားကို တိုင်းတာရန် အလွယ်ကူ ဆုံးသော နည်းလမ်းမှာ လက်မောင်း သွေးလွှတ်ကြော အတွင်း သွေးဖိအားကို Sphygmomanometer ဟုခေါ်သော သွေးပေါင်ချိန်တိုင်း ကိရိယာဖြင့် တိုင်းတာခြင်းပင်။ ပုံမှန်အားဖြင့် အပေါ်သွေး ဖိအားမှာ ၁၂ဝ မီလီမီတာ မာကျူရီရှိပြီး အောက်သွေး ဖိအားမှာ ၈ဝ မီလီမီတာ မာကျူရီဖြစ်ပါသည်။ ၎င်းကို သွေးပေါင်ချိန် ၁၂ဝ/၈ဝ မီလီမီတာ မာကျူရီဟု ရေးသား ဖော်ပြလေ့ရှိသည် ။

သွေးပေါင်ချိန် တိုင်းတာခြင်းနှင့် သွေးတိုးရောဂါ သတ်မှတ်ပုံ လူတစ်ဦး၏ သွေးပေါင်ချိန်မှာ တခြားသူ တစ်ဦး၏ သွေးပေါင်ချိန်နှင့် ထပ်တူညီလိမ့်မည် မဟုတ်ပေ။ တစ်ဦးတည်းမှာ ပင်တိုင်းတာသည့် အချိန် မတူညီပါက သွေးပေါင်ချိန်ရလဒ်မှာ ထပ်တူညီနိုင်မည် မဟုတ်ပေ။ ထို့ပြင် လူမျိုးနွယ်စု၊ အသက်အရွယ်၊ စိတ်ခံစားမှု၊ ကိုယ်လက် လှုပ်ရှားမှုနှင့် နှလုံးခုန်နှုန်း စသည်တို့အပေါ် မူတည်ပြီး လည်း ပြောင်းလဲတတ် သည်ဖြစ်ရာ မည်သည့်သွေးပေါင်ချိန် ပမာဏကို ကျော်လွန်သွားပါက သွေးတိုးရောဂါ ရှိနေပြီဟု တထစ်ချ ဆိုနိုင်ရန် ခက်ခဲ လှပေသည် ။

သွေးပေါင်ချိန် တိုင်းတာရာတွင် သွေးပေါင်ချိန် မတိုင်းမီ ၅ မိနစ်ခန့် ငြိမ်သက်စွာ ထိုင်နေ ရပါမည်။ ဆေးလိပ် သို့မဟုတ် ကော်ဖီ၊ လက်ဖက်ရည် စသည်တို့ သောက်ထားပါက မိနစ် ၃ဝ ခန့်စောင့်စားပြီး မှ သာ သွေးပေါင်ချိန်ကို တိုင်းသင့်သည် ။ သွေးပေါင်ချိန်ကို သာမန်အားဖြင့် ထိုင်လျက် အနေအထားတွင် တိုင်းတာလေ့ရှိသည်။

ယေဘုယျ အားဖြင့်မူ အပေါ်သွေးဖိအား ၁၂ဝ မီလီမီတာ မာကျူရီနှင့် အောက်၊ အောက်သွေးဖိအား ၈ဝ မီလီမီတာ မာကျူရီနှင့် အောက်ရှိပါက အကောင်းဆုံးဖြစ်သည်။ ပုံမှန် အနေအထားတွင် အပေါ်သွေး ဖိအားမှာ ၁၂ဝ နှင့် ၁၂၉ အကြားတွင် ရှိနေနိုင်ပြီး အောက်သွေး ဖိအားမှာ ၈ဝ မှ ၈၄ အကြားရှိနေနိုင်သည်။ အပေါ်သွေးဖိအား ၁၃ဝ မှ ၁၃၉ အထိ သို့မဟုတ် အောက်သွေးဖိအား ၈၅ မှ ၈၉ အထိကို သွေး တိုးရောဂါ ဖြစ်လာနိုင်ခြေ ရှိသော အနေ အထားဟု သတ်မှတ်ပါသည် ။ သွေးပေါင်ချိန် ၁၄ဝ/ ၉ဝ မီလီမီတာ မာကျူရီနှင့် အထက် ရှိမှသာ သွေးတိုးရောဂါ ရှိသည်ဟု ယေဘုယျအားဖြင့် သတ်မှတ်နိုင်သည်။

သွေးပေါင်ချိန်ကို တစ်ကြိမ်တစ်ခါတည်း တိုင်းတာပြီး သတ်မှတ်ထားသည့် ပမာဏထက် ပိုမိုနေရုံ မျှနှင့် သွေးတိုးရောဂါ ရှိနေပြီဟု သတ်မှတ်၍ မရနိုင်ပေ။ အမေရိကန် နှလုံးနှင့် သွေးကြောရောဂါများ ဆိုင် ရာ အဖွဲ့ကြီးက ဆေးခန်းသို့ အနည်းဆုံး နှစ်ကြိမ်လာရောက် တိုင်းတာပြီး မတူညီသော အချိန် ကာလတွင် သုံးခါတိုင်း၍ရသော အဖြေမှာ ပုံမှန်ထက် အမြဲတမ်း များပြားနေမှသာ သွေးတိုးရောဂါဟု သတ်မှတ်သည်။ ဗြိတိန်ဆရာဝန် များကမူ တစ်လတစ်ကြိမ် နှုန်းဖြင့် သုံးလဆက်တိုက် ဆေးခန်းသို့ လာရောက် သွေးပေါင် ချိန်ပြီး သာမန်ထက် အမြဲတမ်း များပြားနေမှသာ သွေးတိုးရောဂါဟု သတ်မှတ်ပါသည်။

သွေးတိုးရောဂါ၏ လက္ခဏာများ သွေးတိုးရောဂါ ရှိနေသူ တစ်ဦးသည် အများအားဖြင့် မည်သည့် လက္ခဏာမှ ခံစားရခြင်း မရှိတတ်ပေ။ သို့ရာတွင် တချို့တလေမှာ ခေါင်းကိုက် သည့် ဝေဒနာကို ခံစားရလေ့ ရှိသည်။ ထို့ပြင်ခေါင်းမူးခြင်း၊ ဇက်ကြော တက်ခြင်း၊ ရင်တုန်ခြင်းနှင့် အမြင်အာရုံ မှုန်ဝါးလာခြင်း စသည်တို့ကိုလည်း ခံစားရနိုင်သည်။ ယေဘုယျ အားဖြင့် သွေးပေါင်ချိန်၂ဝဝ/၁၃ဝ မီလီမီတာ မာကျူရီနှင့် အထက်ဖြစ်ပါက ခေါင်းမူးခြင်း၊ မျက်စိအမြင် မှုန်ဝါးခြင်း တို့ကို ခံစားရပြီး အချိန်မီ ကုသမှု ခံယူခြင်း မရှိလျှင် ဆီးမထွက်ခြင်း၊ သတိလစ်မေ့မြောခြင်း၊ နှလုံးအလုပ် မလုပ်ခြင်းနှင့် အသက်ဆုံးရှုံးခြင်း စသည်တို့နှင့် ရင်ဆိုင် ကြုံတွေ့ရနိုင်သည်။

သွေးတိုးရောဂါ ဆိုးရွားစေသော အခြေအနေများ သွေးတိုးရောဂါကို ပိုမိုဆိုးရွားစေသော အခြေအနေ များမှာ အငန်၊ ဆား စားသုံးမှု ပမာဏ များပြားခြင်း (တစ်နေ့လျှင် ဆားလက်ဖက်ရည် ဇွန်းတစ်ဇွန်းထက် ပိုမိုမစားသင့်ပါ) ၊ ဆေးလိပ်သောက်ခြင်း၊ အရက် အလွန်အကျွံ သောက်ခြင်း၊ အဝလွန်ခြင်း (အကြမ်းဖျင်း အားဖြင့် ကိုယ်ခန္ဓာ ထုထည် အညွှန်းကိန်း ၃ဝ နှင့်အထက်၊ ခါးအတိုင်းအတာ အမျိုးသားများတွင် လက်မ ၄ဝ နှင့်အထက်၊ အမျိုးသမီးများတွင် ၃၅ လက်မနှင့် အထက်ဖြစ်ပါသည်) နှင့် စိတ်သောက ဖိစီးမှု ကာလ ကြာမြင့်ခြင်းတို့ ဖြစ်ကြသည်။

သွေးတိုး ရောဂါ၏ အန္တရာယ်

သွေးတိုးရောဂါသည် ရေရှည်တွင် နှလုံးသွေးကြောဆိုင်ရာ ကျန်းမာရေး ပြဿနာများကို ဖြစ်ပေါ်စေပါသည်။

သွေးတိုးရောဂါ ရှိသူတစ်ဦးသည် သွေးအတွင်း အဆီဓာတ်များခြင်း၊ ဆေးလိပ်သောက်ခြင်း၊ ဆီးချိုသွေးချို ရောဂါရှိခြင်းတို့နှင့် တွဲလျက်ရှိပါက ကျန်းမာရေးကို ပိုမိုဆိုးရွားစွာ ထိခိုက် စေသည်။ ဥပမာ ဆီးချိုသွေးချို ရောဂါခံစားရမှုလည်း မရှိ၊ ဆေးလိပ်လည်းမသောက်၊ သွေးအတွင်း အဆီဓာတ်လည်း မများသည့် အသက် ၅ဝ နှစ်အောက် ရှိသူတစ်ဦးတွင် အပေါ်သွေး ဖိအား ၁၆ဝ မီလီမီတာ မာကျူရီနှင့် အထက်ရှိပြီး ၁ဝ နှစ်ကြာကုသမှု ခံယူခြင်း မရှိမှသာ နှလုံးသွေးကြောဆိုင်ရာ ကျန်းမာရေး ပြဿနာ များ ဖြစ်နိုင်ခြေ ၃ဝ ရာခိုင်နှုန်းနှင့် အထက် ရှိနိုင်သော်လည်း ထိုသူပင်လျှင် ဆီးချိုသွေးချိုရောဂါ ရှိပြီး ဆေးလိပ်သောက်ကာ သွေးအတွင်း အဆီဓာတ်များပြား နေပါက အပေါ်သွေးဖိအား ၁၄ဝ မီလီမီတာ မာကျူရီ ရှိရုံမျှနှင့်ပင် နောက် ၁ဝ နှစ်ခန့် ကြာမြင့်သောအခါ နှလုံးသွေးကြောဆိုင်ရာ ကျန်းမာရေး ပြဿနာ များ ဖြစ်နိုင်ခြေ ၃ဝ ရာခိုင်နှုန်းနှင့် အထက်ရှိမည်ဖြစ်သည်။ ဆိုလိုသည်မှာ သွေးတိုးရောဂါ ကုသရာ တွင် သွေးဖိအား သို့မဟုတ် သွေးပေါင်ချိန် အနည်းအများ တစ်ခုတည်းကိုသာ ကြည့်ပြီး ကုသခြင်းမျိုး မဟုတ်ဘဲ အခြေအနေ အရပ်ရပ်ကို သုံးသပ်ကာ ကုသပေးရခြင်း ဖြစ်သောကြောင့် ကျွမ်းကျင်သော ဆရာဝန်များနှင့် ပြသကာ စနစ်တကျ ကုသမှု ခံယူရပါမည်။

သွေးတိုးရောဂါ ကုသခြင်း
သွေးတိုးရောဂါ ကုသရာတွင် သွေးဖိအား ကျဆင်းစေသော ဆေးဝါးများကိုသာ မှီဝဲပြီး စားသောက်နေထိုင်မှု ပုံစံကို ကျန်းမာရေးနှင့် ညီညွတ်အောင် ပြောင်းလဲခြင်း မပြုလုပ်ပါက ကုသမှု မအောင်မြင်နိုင်ပါ။ ထိုအခါ နောက်ဆက်တွဲ ပေါ်ပေါက်လာနိုင်သည့် နှလုံးသွေးကြော ဆိုင်ရာ ကျန်းမာရေး ပြဿနာများကိုလည်း ကာကွယ်တားဆီးနိုင်မည် မဟုတ်ပေ။ သွေးဖိအား ကျဆင်းစေသော ဆေးဝါးများမှာ လည်း ဘေးထွက် ဆိုးကျိုးများ အနည်းနှင့် အများရှိကြ သည်သာပင်။ သွေးတိုးရောဂါ ကုသမှုကို အထောက်အကူ ပြုသည့် ကျန်းမာရေးနှင့် ညီညွတ်သော စားသောက်နေထိုင်မှု ပုံစံမှာ အောက်ပါအတိုင်း ဖြစ်ပါသည်-

(က) အဝလွန်နေပါက ကိုယ်ခန္ဓာ အလေးချိန်ကို လျှော့ချပေးရန် လိုအပ်ပါသည်။
(ခ) ဆေးလိပ်ဖြတ်ရန် လိုအပ်ပါသည်။

(ဂ) အရက်အလွန်အကျွံ သောက်မှုကို ရှောင်ကြဉ်ရပါမည်။
(ဃ) လတ်ဆတ်သော အသီးအနှံ၊ အဆီ ထုတ်ထားသော နို့၊ အသီးအနှံများမှ ရသော မပြည့်ဝဆီဖြင့် ချက်ထားသည့် အစားအစာများကို ပိုမိုစားသုံးကာ အဆီအအိမ့် များကို ရှောင်ကြဉ်ရပါမည်။

(င) ငါးပိ၊ ငါးခြောက်၊ ငံပြာရည်၊ အငန်ဓာတ်ပါသော အစားအစာများကို လျှော့စားရပါမည်။ အချိုမှုန့်၊ အချိုမှုန့်ဓာတ် ပါဝင်သော ကြက်သားဟင်းခတ် မှုန့်များကိုလည်း စားသုံးခြင်းမှ ရှောင်ကြဉ် သင့်ပါသည်။
(စ) ကိုယ်လက်လှုပ်ရှား အားကစားကို တစ်နေ့လျှင် ၁၅ မိနစ်မှ မိနစ် ၃ဝ ပုံမှန်လုပ်ဆောင် ပေးရပါမည်။

(ဆ) သွေးတိုးရောဂါ ရှိနေသူ တစ်ဦးသည် လက်ဖက်ရည်၊ ကော်ဖီ၊ လက်ဖက် အပါအဝင် Caffeine ဓာတ်ပါသော အစားအသောက်များကို လျှော့ကာ စားသောက်ရပါမည်။ တစ်နေ့လျှင် Caffeine ၄ဝဝ မီလီဂရမ်ထက်ပိုပြီး မစားသောက်သင့်ပေ။ အကြမ်းအားဖြင့် ၈ အောင်စ ကော်ဖီတစ်ခွက်တွင် Caffeine ဓာတ် ၁ဝဝ မှ ၁၅ဝ မီလီဂရမ် ပါဝင်ပြီး လက်ဖက်ရည် တစ်ခွက်တွင် ၄ဝ မှ ၁၂ဝ မီလီဂရမ် ပါဝင်ပါသည်။

(ဇ) စိတ်သောကများကို ဖြေလျှော့ပေးရပါမည်။ စိတ်အပန်းပြေစေသော နည်းလမ်းများ ဖြစ်သည့် မိသားစုနှင့် အချိန်ပေးကာ ပျော်ရွှင်စွာ နေထိုင်ခြင်း၊ စာဖတ်ခြင်း၊ မိတ်ဆွေ အပေါင်းအသင်းများနှင့် ဝိုင်းဖွဲ့ စကားပြောခြင်း၊ ရုပ်ရှင်ဂီတ သဘင်များ ကြည့်ရှုခြင်းဖြင့် အပန်းဖြေခြင်း၊ အပန်းဖြေ ခရီးထွက်ပေးခြင်း၊ မိမိဝါသနာပါရာ အလုပ်ကို လုပ်ကိုင်ခြင်းနှင့် ထွက်လေဝင်လေ ရှုမှတ်ခြင်း စသည်တို့ကို လုပ်ဆောင်ပေး သင့်ပါသည် ။

အချုပ်အားဖြင့် ဆိုရသော် သွေးပေါင်ချိန် တစ်ခါတစ်ရံ အနည်းငယ် မြင့်မားနေရုံမျှဖြင့် သွေးတိုးရောဂါဟု အဆောတလျင် မသတ်မှတ်သင့်ပေ။ ကျွမ်းကျင်သော ဆရာဝန်များနှင့် စနစ်တကျ ပြသကာ သွေးပေါင်ချိန် ကို မတူညီသော အချိန်များတွင် အနည်းဆုံး သုံးကြိမ်စနစ် တကျတိုင်းတာပြီး တစ်သမတ်တည်း မြင့်မားနေ မှသာ သွေးတိုးရောဂါ ရှိကြောင်း သတ်မှတ် နိုင်မည်ဖြစ်သည်။

သွေးတိုးရောဂါ ရှိနေပါက အထက်တွင် ဖော်ပြထားသည့် ကုသရခြင်း၏ ရည်ရွယ်ချက် ကိုလည်း သိရှိသဘောပေါက် ထားရန် လိုအပ်လှပေသည်။ ထို့ပြင်ကုသမှု ခံယူရာ၌လည်း သွေးပေါင်ကျဆေးများကို မှီဝဲရုံမျှမကဘဲ စားသောက်နေထိုင်မှု ပုံစံကို ကျန်းမာရေးနှင့် ညီညွတ်အောင် ပြောင်းလဲနေထိုင် ရမည် ဖြစ်ပါကြောင်း တိုက်တွန်းနှိုးဆော် လိုက်ရပေသည်။